Ymwybyddiaeth Rhybudd Sgam Tesco
Yn ystod cyfnod lle mae mwy a mwy o bobl yn siopa bwyd ar-lein neu'n defnyddio gwasanaethau cliciwch a chasglu, mae nifer ohonoch wedi rhoi gwybod i ni eich bod wedi derbyn galwadau sgam gan dwyllwyr yn esgus bod yn Tesco.
Mae'r alwad awtomataidd yn nodi bod eich archeb Tesco wedi'i gosod a bydd £350 yn cael ei ddebydu o'ch cyfrif. Mae'r alwad yn mynd ymlaen i ddweud “os nad dyma'r swm cywir, pwyswch 1 i fynd drwodd i'n tîm twyll”.
Gyda'r math hwn o alwad, os pwyswch '1', bydd y sgamwr yn ceisio cael cymaint o fanylion personol â phosibl gennych chi, gan gynnwys manylion eich banc.
Mae'r rhain yn droseddwyr clyfar sy'n gwybod beth maen nhw'n ei wneud, a byddant yn aml yn ymddangos yn ddilys. Os byddwch chi'n derbyn galwad fel hon, mae'n well rhoi'r ffôn i lawr a naill ai gwirio'ch cyfrif Tesco ar-lein eich hun, neu ffonio Tesco yn uniongyrchol o rif rydych chi wedi'i gael.
Gallwch chi helpu i amddiffyn eich hun rhag sgamiau o'r fath drwy ddilyn y cyngor hwn:
- Peidiwch â rhoi unrhyw fanylion personol nac ariannol i unrhyw un sy'n eich ffonio chi allan o'r glas.
- Peidiwch â dilyn unrhyw ddolenni os yw'r troseddwyr yn anfon neges destun neu e-bost atynt. Bydd y rhain yn mynd â chi i wefannau ffug sydd wedi'u hadeiladu i edrych yn ddilys.
- Peidiwch byth â derbyn na lawrlwytho unrhyw feddalwedd o bell i'ch cyfrifiadur sy'n caniatáu i bobl eraill ei gyrchu.
- Peidiwch â mewngofnodi i'ch cyfrif banc ar-lein os ydych chi wedi gosod meddalwedd mynediad o bell, fel arall mae siawns dda y byddwch chi'n colli arian.
- Os bydd rhywun mewn galwad oer yn gofyn i chi lawrlwytho ap mynediad o bell neu gael mynediad i'ch cyfrif banc – terfynwch yr alwad.
- Os ydych chi wedi derbyn galwad fel hon, ac wedi cael mynediad i'ch cyfrif neu wedi trosglwyddo arian – cysylltwch â'ch banc bob amser ar y rhif ar gefn eich cerdyn banc. Peidiwch byth â defnyddio rhif a roddir i chi gan y galwr.
- Cofiwch bob amser STOPIO-HERIO-AMDIFFYN
Gallwch roi gwybod i ni am unrhyw ddigwyddiadau lle rydych chi wedi dioddef y math hwn o dwyll:
Gwefan| http://orlo.uk/NDKsA
E-bost| 101@dyfed-powys.pnn.police.uk
Ffôn| 101