Grantiau

Polisi Cymorth Grant

Mae Cyngor Tref Hwlffordd yn creu cyllideb flynyddol ar gyfer grantiau i gefnogi prosiectau, digwyddiadau neu weithgareddau lleol sy'n cyfrannu at lesiant y dref a'i phobl. Dylid cyflwyno ceisiadau i Glerc y Dref, a fydd yn gwirio bod y cais yn gyflawn, gan gynnwys cyflwyno unrhyw dystiolaeth ategol sydd ei hangen ar y ffurflen gais. Bydd ceisiadau'n cael eu hystyried yn gyntaf gan y Pwyllgor Personél, Polisi a Chyllid a fydd yn gwneud argymhelliad ar gyfer penderfyniad yng nghyfarfod nesaf y Cyngor Llawn. Mae dwy haen o gyllid grant ar gael i ymgeiswyr trwy gyflwyno'r ffurflen gais am grant: Haen 1 – hyd at £500 Haen 2 – hyd at £3,000.

Pwy all wneud cais? Gall ymgeiswyr fod yn unigolion, grwpiau o unigolion, neu sefydliadau â chyfansoddiad ffurfiol. Gall “sefydliadau” fod yn anghorfforedig, neu gallant fod wedi’u cofrestru’n ffurfiol gyda rheoleiddiwr llywodraethu fel y Comisiwn Elusennau, y Rheoleiddiwr Cwmnïau Buddiant Cymunedol neu’r Awdurdod Ymddygiad Ariannol. Bydd gofyn i ymgeiswyr sydd â chyfansoddiad gyflwyno eu dogfen lywodraethu fel tystiolaeth i gefnogi’r cais.

Meini Prawf	Haen 1	Haen 2
Unigolion	Y	N
Grwpiau newydd heb gyfansoddiad na chyfrif banc ar wahân	Y	N
Grŵp/sefydliad sefydledig gyda chyfansoddiad a chyfrif banc sy'n gofyn am fandad awdurdod deuol	Y	Y
Cwmnïau neu fusnesau preifat heb amcanion cymdeithasol	N	N

Mae polisi Cymorth Grant a Ffurflen Gais y Cyngor isod.